مساء الخير او صباح الخير علي حسب انت بتقرا امتي يعني
حابب النهارده اكلمكم عن موضوع كده خطر علي بالي وانا نايم اه والله وانا نايم ..
في الفتره الاخيره ظهرت حاجه كده ضايقتني جدا جدا وهي فكره الشيرنج او المشاركه للحاجات الي بنحبها وبتخلينا مبسوطين مع ناس بنحبهم واعزاء علينا علي امل ان الحاجات دي تخليهم مبسوطين زينا عشان احنا بنحب اصحابنا ومش عايزينهم يبقوا متضايقين .... الفكره في شكلها حلو ولونها بمبي وكلها ورود وقلوب و حاجات حلوه من دي كتير بس انا حابب انبهكم لنقطه مهمه جدا .. مش كل حاجه شكلها حلو او الفكره العامه عنها شكلها حلو لازم تكون حلوه وجميله وكلها دباديب وارانيب وورود في تنفيذها .. خليني احكليك موقف تخيلي كده يمكن يفهمك اكتر .. وانت بتتمشي في وسط البلد عند البنزينه كده تليفونك رن لقيته صاحبك وحبيبك سمير ورديت عليه ودار الحوار الاتي
انت. الو
هو. حبيبي
انت. ايه سمره عامل ايه ؟
هو. زالفل ياسطا انت اخبارك ايه ؟
انت. انا تمام زي الفل يا صديق اخبار الشغل ايه ؟
هو. انا اجازه النهارده عشان كده بكلمك .. انت فين كده ؟
انت. طيب تمام انا في وسط البلد
هو.طيب كويس جدا خليك عندك بقي وانا جايلك
انت. طيب تمام قدامك قد ايه
هو. هاعدي اجيب خطيبتي واختها واجيلك علي طول اول ما اوصل هاكلمك اشطه ؟
انت..... "صمت تام نتيجه للصدمه"
هو. يابني انت روحت فين ؟
انت. معاك ياسطا خلاص بس انجز عشان تليفوني قرب يفصل
هو.خلاص اشطه
وبعدين بتقفل المكالمه وانت لسه مصدوم .. سمير عايز ينزل يقابل خطيبته بس اختها "الرخمه السخيفه الي لبسها كله فسفوري" جايه معاها ومافيش اي صرفه عشان يخلص منها غير ان يجيب حد مغفل من صحابه يلزقهالو وطبعا المغفل ده هو حضرتك
بتبدأ تتخيل المأساه الي هاتحصل وانت قاعد مع واحده نص هدومها بمبى مسخسخ والنص التاني لموني فاقع و صوتها مسرسرع زي صفاره المصاصه سيكا بتاعت زمان .. والمشكله ان سمير عارف هايلاقيك ازاي وفين حتي لو موبايلك مقفل يعني التلت ساعات الي جايين هايبقوا عذاب اقسي من عذاب برميثيوس
وهنا بيجي دور الملاذ الامن "القهوه الي سمير مايعرفش عنها اي حاجه وانت بتحبها " وتشكر ربنا وتبوس ايدك وش وضهر وجناب علي انك ماخدتش سمير معاك يقعد علي القهوه دي عشان يتبسط زي مانت بتبسط لما تبقي قاعد عليها .. كل الي عليك تعمله انك تقفل موبايلك "هو كده كده عارف ان موبايلك هايفصل اصلا" وتهرب -متجربه كتير علي فكره-
اعتقد كده الفكره وضحت اكتر .. هاحاول اوضحلك ليه فكره انك تشارك كل حاجه بتحبها مش ديما بتنفع تخيل نفسك قاعد ع القهوه مع صديقك الانتيم وبتقوله شوفت فيلم جوني ديب الجديد ؟؟ويرد عليك ويقولك لسه ماشوفتش فتقوله شوفه هايعجبك تيجي تاني يوم مثلا تسأله ها شوفت الفيلم يقولك اه يا عم شوفه دي فيلم بيض ورخم ... ساعتها بيتملكك الصمت الرهيب و تبصله كده بنظره دهشه لبرهه من الوقت "ممكن توصل لنص ساعه" وتبقي عايز تقوم مره واحده كده وتزعق في وشه: ايخرااااااس يا ويسييييخ "طرااااااخ" وتروح لطشه قلم يخلي راسه تلف فوق رقبته زي النحله الدواره .. و فجأه تفوق علي صوته بيندهلك فتتفاجئ انه لسه عايش مماتش من فرط فظاعه الكلام الي هو قاله و تقوله انت كمان ليك عين تتكلم بعد الي قولته ده يا سافل يا قليل الادب يا حقير يا منحط ... الحساب يا مسعد "مسعد ده القهوجي"
انت متخيل صاحبك الانتيم مش عاجبه الفيلم الي انت كنت هاتعض صوابع ايدك من كتر حلاوته .. صاحبك الي كنت فاكر انك تعرفه كويس ماعجبوش الفيلم الي انت رشحتهوله .. دي كارثه
النقطه التانيه الي تخليك ما تشاركش الحاجه الي انت بتحبها مع حد لانك بكل بساطه انت كده بتكون سبب في ان الحاجه دي تبقي ماينستريم وطبعا انت عارف الحاجه لما بتبقي ماينستريم بيحصل فيها ايه انت فاهم وانا فاهم فبلاش كلام كتير بقي
الحاجه الاسواء بقي الي ممكن تحصل هي انك تشير حاجه مع حد من نوعيه تامر لافرز او جستن فانز مثلا الحاجه ده غالبا بتبقي متعلقه بالمزيكا
يعني انت بالصدفه البحته اكتشفت باند اسمه الفسافيس مثلا او مغني اسمه عباسط و عجبوك جدا وقررت انك تسمعهم لصاحبتك او صاحبك الي من نوعيه تامر لافرز وشائت الاقدار انهم يعجبوه او يعجبوها ساعتها عليك انك تتحمل اسهال بوستات وتويتات من نوعيه "اوووه عباسط قلوب كتشير ".. "الفسافيس انا في كمه السعاده"
وتلك النوعيات من البوستات الي كفيله انها تكرهك في شرباتك الي بتحبها خلال يومين بالكتير وفي الاخر هاتقعد علي الارض تخبط علي دماغك وتقول انا الي جبت ده كله لنفسي وتفتكر الاستاذ عبد المنعم مدبولي وهو بيقول كنت مغفلن ..
الخلاصه يعني
اولا المشاركه حاجه حلوه فعلا بس مش اي حد تشارك معاه اي حاجه مش سبيل هو يابا ثانيا مش اي فكره تجيلك شكلها حلو لازم بالضروره تكون حلوه فعلا لما تتنفذ بعض الافكار من الاحسن انها تفضل افكار و تخليها لنفسك
حابب النهارده اكلمكم عن موضوع كده خطر علي بالي وانا نايم اه والله وانا نايم ..
في الفتره الاخيره ظهرت حاجه كده ضايقتني جدا جدا وهي فكره الشيرنج او المشاركه للحاجات الي بنحبها وبتخلينا مبسوطين مع ناس بنحبهم واعزاء علينا علي امل ان الحاجات دي تخليهم مبسوطين زينا عشان احنا بنحب اصحابنا ومش عايزينهم يبقوا متضايقين .... الفكره في شكلها حلو ولونها بمبي وكلها ورود وقلوب و حاجات حلوه من دي كتير بس انا حابب انبهكم لنقطه مهمه جدا .. مش كل حاجه شكلها حلو او الفكره العامه عنها شكلها حلو لازم تكون حلوه وجميله وكلها دباديب وارانيب وورود في تنفيذها .. خليني احكليك موقف تخيلي كده يمكن يفهمك اكتر .. وانت بتتمشي في وسط البلد عند البنزينه كده تليفونك رن لقيته صاحبك وحبيبك سمير ورديت عليه ودار الحوار الاتي
انت. الو
هو. حبيبي
انت. ايه سمره عامل ايه ؟
هو. زالفل ياسطا انت اخبارك ايه ؟
انت. انا تمام زي الفل يا صديق اخبار الشغل ايه ؟
هو. انا اجازه النهارده عشان كده بكلمك .. انت فين كده ؟
انت. طيب تمام انا في وسط البلد
هو.طيب كويس جدا خليك عندك بقي وانا جايلك
انت. طيب تمام قدامك قد ايه
هو. هاعدي اجيب خطيبتي واختها واجيلك علي طول اول ما اوصل هاكلمك اشطه ؟
انت..... "صمت تام نتيجه للصدمه"
هو. يابني انت روحت فين ؟
انت. معاك ياسطا خلاص بس انجز عشان تليفوني قرب يفصل
هو.خلاص اشطه
وبعدين بتقفل المكالمه وانت لسه مصدوم .. سمير عايز ينزل يقابل خطيبته بس اختها "الرخمه السخيفه الي لبسها كله فسفوري" جايه معاها ومافيش اي صرفه عشان يخلص منها غير ان يجيب حد مغفل من صحابه يلزقهالو وطبعا المغفل ده هو حضرتك
بتبدأ تتخيل المأساه الي هاتحصل وانت قاعد مع واحده نص هدومها بمبى مسخسخ والنص التاني لموني فاقع و صوتها مسرسرع زي صفاره المصاصه سيكا بتاعت زمان .. والمشكله ان سمير عارف هايلاقيك ازاي وفين حتي لو موبايلك مقفل يعني التلت ساعات الي جايين هايبقوا عذاب اقسي من عذاب برميثيوس
وهنا بيجي دور الملاذ الامن "القهوه الي سمير مايعرفش عنها اي حاجه وانت بتحبها " وتشكر ربنا وتبوس ايدك وش وضهر وجناب علي انك ماخدتش سمير معاك يقعد علي القهوه دي عشان يتبسط زي مانت بتبسط لما تبقي قاعد عليها .. كل الي عليك تعمله انك تقفل موبايلك "هو كده كده عارف ان موبايلك هايفصل اصلا" وتهرب -متجربه كتير علي فكره-
اعتقد كده الفكره وضحت اكتر .. هاحاول اوضحلك ليه فكره انك تشارك كل حاجه بتحبها مش ديما بتنفع تخيل نفسك قاعد ع القهوه مع صديقك الانتيم وبتقوله شوفت فيلم جوني ديب الجديد ؟؟ويرد عليك ويقولك لسه ماشوفتش فتقوله شوفه هايعجبك تيجي تاني يوم مثلا تسأله ها شوفت الفيلم يقولك اه يا عم شوفه دي فيلم بيض ورخم ... ساعتها بيتملكك الصمت الرهيب و تبصله كده بنظره دهشه لبرهه من الوقت "ممكن توصل لنص ساعه" وتبقي عايز تقوم مره واحده كده وتزعق في وشه: ايخرااااااس يا ويسييييخ "طرااااااخ" وتروح لطشه قلم يخلي راسه تلف فوق رقبته زي النحله الدواره .. و فجأه تفوق علي صوته بيندهلك فتتفاجئ انه لسه عايش مماتش من فرط فظاعه الكلام الي هو قاله و تقوله انت كمان ليك عين تتكلم بعد الي قولته ده يا سافل يا قليل الادب يا حقير يا منحط ... الحساب يا مسعد "مسعد ده القهوجي"
انت متخيل صاحبك الانتيم مش عاجبه الفيلم الي انت كنت هاتعض صوابع ايدك من كتر حلاوته .. صاحبك الي كنت فاكر انك تعرفه كويس ماعجبوش الفيلم الي انت رشحتهوله .. دي كارثه
النقطه التانيه الي تخليك ما تشاركش الحاجه الي انت بتحبها مع حد لانك بكل بساطه انت كده بتكون سبب في ان الحاجه دي تبقي ماينستريم وطبعا انت عارف الحاجه لما بتبقي ماينستريم بيحصل فيها ايه انت فاهم وانا فاهم فبلاش كلام كتير بقي
الحاجه الاسواء بقي الي ممكن تحصل هي انك تشير حاجه مع حد من نوعيه تامر لافرز او جستن فانز مثلا الحاجه ده غالبا بتبقي متعلقه بالمزيكا
يعني انت بالصدفه البحته اكتشفت باند اسمه الفسافيس مثلا او مغني اسمه عباسط و عجبوك جدا وقررت انك تسمعهم لصاحبتك او صاحبك الي من نوعيه تامر لافرز وشائت الاقدار انهم يعجبوه او يعجبوها ساعتها عليك انك تتحمل اسهال بوستات وتويتات من نوعيه "اوووه عباسط قلوب كتشير ".. "الفسافيس انا في كمه السعاده"
وتلك النوعيات من البوستات الي كفيله انها تكرهك في شرباتك الي بتحبها خلال يومين بالكتير وفي الاخر هاتقعد علي الارض تخبط علي دماغك وتقول انا الي جبت ده كله لنفسي وتفتكر الاستاذ عبد المنعم مدبولي وهو بيقول كنت مغفلن ..
الخلاصه يعني
اولا المشاركه حاجه حلوه فعلا بس مش اي حد تشارك معاه اي حاجه مش سبيل هو يابا ثانيا مش اي فكره تجيلك شكلها حلو لازم بالضروره تكون حلوه فعلا لما تتنفذ بعض الافكار من الاحسن انها تفضل افكار و تخليها لنفسك
ليست هناك تعليقات:
إرسال تعليق